بینکاک میں سلسلہ وار دھماکوں میں دو زخمی

تھائی لینڈ کے دارالحکومت بینکاک میں جمعہ کو سات سلسلے وار بم دھماکے ہوئے جس میں کم از کم دو افراد زخمی ہو گئے۔

بینکاک میں 28 جولائی سے آسیان ممالک کے وزرائے خارجہ کی میٹنگ ہورہی ہے۔ یہ اطلاع مقامی میڈیا نے دی۔
ایک سرکاری ترجمان نے کہا کہ وزیراعظم پریوت چان اوچا نے سلسلے وار بم دھماکوں کی فوری جانچ کا حکم دیا ہے۔ وزیراعظم نے ملک کے عوام سے تحمل برتنے کی درخواست کرتے ہوئے کہا کہ انہیں گھبرانے کی ضرورت نہیں ہے۔
پریوت نے کہا کہ ان واقعات پر قریبی نگاہ رکھی جارہی ہے اور حفاظتی اقدامات سخت کردیے گئے ہیں۔

انہوں نے لوگوں سے ایسے موقع پر تعاون دینے کی درخواست کرتے ہوئے کہا کہ مشتبہ اشیا نظرآنے اور کچھ بھی غیر معمولی ظاہر ہونے پر فوراً اس کی اطلاع افسران کو دیں۔
نیشن ٹی وی کے مطابق پرتونام ضلع میں آج صبح پانچ بجے سے سات منٹ کے وقفے میں تین بم دھماکے ہوئے۔ پہلا دھماکہ اندرا ریجنٹ ہوٹل کی بلڈنگ میں ہوا جہاں ایک شاپنگ سینٹر بھی ہے۔ دھماکے میں میونسپل کارپوریشن کے دو اہلکار زخمی ہوگئے۔
ذرائع کے مطابق ناراتھیواٹ علاقے میں صبح تقریباً آٹھ بجے ریلوے اسٹیشن کے پاس مزید دو دھماکے ہوئے۔ اس جگہ اہم بینکوں کے ہیڈ آفس اور روسی سفارخانہ سمیت سفارتی مشن کی عمارتیں ہیں۔ ان دھماکوں میں اگرچہ کوئی ہلاک نہیں ہوا ہے۔ اس کے علاوہ کنگ رام نوم اسٹریٹ علاقے میں صبح ساڑھے نو بجے کے قریب دو اور دھماکے ہوئے جہاں کئی سرکاری عمارتیں ہیں۔
پولیس نے پانچ گھنٹوں کے دوران بم رکھے جانے کے واقعہ میں مشتبہ افراد کو گرفتار کرلیا ہے۔ ان کی شناخت سی سی ٹی وی فوٹیج دیکھنے کی بعد کی گئی تھی۔