افغانستان کے صوبے ننگرہار میں بدھ کی صبح ہونے والے اس حملے میں کم از کم 5 افراد ہلاک ہو گئے ہیں۔ جلال آباد میں محکمہ اطلاعات و ثقافت نے ان حملوں کی تصدیق کی ہے۔
مقامی میڈیا طلوع نیوز کی رپورٹ کے مطابق عینی شاہدین کا کہنا ہے کہ ہلاک ہونے والوں میں سے دو طالبان فورسز کے اور تین عام شہری تھے۔
افغان حکومت کے زوال کے بعد افغانستان میں اس طرح کے حملے متواتر ہو رہے ہیں۔ 19 ستمبر کو مشرقی شہر جلال آباد کے ایک بس اسٹیشن پر ہونے والے دھماکے میں دو شہری ہلاک ہوئے تھے۔
اس سے قبل طالبان نے افغانستان کے لوگوں کو اپنی جان و مال کی حفاظت کی یقین دہانی کرائی تھی لیکن یہ حملے طالبان کے دعوؤں کے برعکس ہیں۔
افغانستان کے صوبے ننگرہار میں دھماکے میں ایک بچہ جاں بحق
ہفتے کے روز مشرقی صوبہ ننگرہار کے جلال آباد شہر کے پولیس ڈسٹرکٹ 5 میں طالبان کو نشانہ بنا کر لگاتار تین دھماکوں میں تین افراد ہلاک اور 21 زخمی ہوئے تھے۔
واضح رہے کہ ملک سے امریکی اور نیٹو افواج کے انخلا کے درمیان طالبان نے تیزی سے پیش قدمی کرکے کابل پر قبضہ کرلیا تھا اور ایک ماہ سے زیادہ کا عرصہ گزر چکا ہے۔
