انڈونیشیا کے آبنائے سونڈا میں ایک جہاز کے ڈوب جانے سے دس افراد لاپتہ ہوگئے۔
ڈیزاسٹر منیجمنٹ کے ایک افسر نے بتایا کہ سنیچر کو لاپتہ لوگوں کی تلاش جاری ہے۔
نیشنل سرچ اینڈ ریسکیو ڈپارٹمنٹ کے ترجمان یوسف لطیف نے بتایا کہ جہاز بنٹین صوبہ سے روانہ ہوا تھا اور اس کے بعد یہ ڈوب گیا۔
انہوں نے بتایا کہ لاپتہ لوگوں کی تلاش اور بچاؤ مہم کے لئے درجنوں کی تعداد میں بچاؤ اہلکار تعینات ہیں۔
ترجمان نے بتایا کہ دس افراد لاپتہ ہیں اور انہیں تلاش کیا جارہا ہے۔ انہوں نے بتایا کہ جمعرات کو ہوئے اس واقعہ میں جہاز پر سوار چھ لوگ بچ گئے ہیں۔
حادثے کے دوران جہاز میں مجموعی طور سے 16 افراد سوارتھے۔
