افغانستان میں خودکش دھماکہ، سات افراد ہلاک

افغانستان کے شہر غزنی میں افغان انٹیلی جنس ایجنسی این ڈی ایس کی عمارت کے قریب خودکش دھماکے میں سات افراد ہلاک اور 40 زخمی ہوگئے۔

افغان حکام کے مطابق خودکش دھماکے میں ہلاک اور زخمی ہونے والے زیادہ تر افراد این ڈی ایس کے ملازمین ہیں۔ غیر ملکی خبر رساں ایجنسی کے مطابق خودکش حملہ میں افغان نیشنل سیکیورٹی فورسز کی عمارت کو نشانہ بنایا گیا۔

دھماکے کے بعد افغان فورسز نے علاقہ کو گھیرے میں لے کر زخمیوں کو مختلف ہسپتالوں میں منتقل کر دیا گیا ہے۔ واضح رہے کہ گزشتہ روز افغانستان میں فورسز کے فضائی حملے میں 35 طالبان جاں بحق ہو ئے تھے۔