سری لنکا نے کہا ہے کہ پاکستان کے سیالکوٹ میں سرلنکن شہری کی ماب لنچنگ Sialkot mob lynching سے دونوں ممالک کے باہمی تعلقات پر کوئی اثر نہیں پڑے گا۔
سیالکوٹ ماب لنچنگ پر سری لنکا کے ہائی کمشنر موہن وجے وکرم Sri Lankan High Commissioner On Mob Lynching نے کہا، ’’ پاکستان اور سری لنکا دوست ہیں اور دوست رہیں گے۔ میں آپ کو یقین دلاتا ہوں کہ اس واقعے سے ہمارے تعلقات متاثر نہیں ہوں گے۔
انہوں نے اس واقعے پر پاکستانی عوام کی ہمدردی کا شکریہ ادا کیا۔
انہوں نے کہا، "مجھے یقین ہے کہ حکومت پاکستان پرینت دیوآنند کمار کے اہل خانہ کو انصاف دلانے کے لیے قدم اٹھائے گی۔ یہ ایک قتل ہے۔ سری لنکا کی حکومت کو یقین ہے کہ اس واقعے کا پاکستان سری لنکا تعلقات سے کوئی تعلق نہیں ہے۔ ہم نے دیکھا ہے کہ پاکستان نے فوری ایکشن لیا ہے۔
انہوں نے کہا، ’’پاکستان اور سری لنکا کے درمیان سماجی، دفاعی اور تجارتی تعلقات ہیں اور اس واقعے سے موجودہ تعلقات متاثر نہیں ہوں گے۔
یہ بھی پڑھیں:
- Sialkot Mob Lynching: سیالکوٹ ماب لنچنگ، کلیدی ملزمین سمیت 124 مشتبہ افراد کو حراست میں لیا گیا
- Pak PM on Sialkot Mob Lynching: 'سیالکوٹ میں ماب لنچنگ، پاکستان کے لیے شرمناک دن ہے'
- Sri Lankan PM on Sialkot Mob Lynching: ’امید ہے عمران خان ملزمین کو انصاف کے کٹہرے میں لائیں گے‘
قابل ذکر ہے کہ پاکستان کے شہر سیالکوٹ میں توہین مذہب کے الزام میں شدت پسندوں کے ایک ہجوم نے پرینت کو پیٹ پیٹ کر ہلاک کر دیا تھا اور اس کی لاش کو جلا دیا تھا۔ پرینت کی لاش لاہور واقع علامہ اقبال انٹرنیشنل ایئرپورٹ سے پیر کو سری لنکا روانہ کی گئی۔
یو این آئی
