روس میں تومسك علاقے کے پریچولِمسكي گاؤں میں لکڑی کے ایک منزلہ مکان میں آگ لگ جانے کے سبب کم از کم 11 افراد ہلاک ہو گئے۔
وزارت برائے ایمرجنسی کی علاقائی یونٹ یہ اطلاع دی۔قبل ازیں علیٰ الصباح محکمہ نے چھ افراد کے ہلاکت کی تصدیق کی تھی لیکن اس کے بعد ہلاک ہونے والوں کی تعداد بڑھ گئی۔
محکمہ کے مطابق 07:03 بجے تک 11 لاشیں برآمد کی گئیں۔ اس درمیان روسی تفتیشی کمیٹی کے تومسک کی علاقائی یونٹ نے آگ لگنے کے اس واقعہ کی تفتیش شروع کرنے کا اعلان کیا ہے۔
علاقائی ہنگامی خدمات کے ایک نمائندے نے کہا ہے کہ آگ لگنے کے سبب ہلاک ہونے والے افراد غیر ملکی ہوسکتے ہیں۔ دو افراد آگ سے محفوظ بچ نکلنے میں کامیاب ہوئے۔
تومسک کے علاقائی گورنر سرگیئی جھواچکِن صورتحال پر گہری نظر رکھے ہوئے ہیں۔
