پاکستانی سکیورٹی فورسز کی خفیہ اطلاعات پر عسکریت پسندوں کے خلاف آپریشن میں چار شدت پسند مارے گئے جب کہ پاکستان فوج کے دو جوانوں کی ہلاکت کی اطلاع ہے۔
آئی ایس پی آر کے مطابق شمالی وزیرستان کے علاقے میر علی میں ایک کمپاونڈ میں عسکریت پسندوں کی موجودگی کی اطلاعات پر آپریشن کیا گیا۔ ٹھکانے کا محاصرہ کرنے پر شدت پسندوں نے فائرنگ شروع کردی۔
آئی ایس پی آر کے مطابق آپریشن میں فائرنگ کے تبادلہ کے دوران چار عسکریت پسند ہلاک ہوگئے۔ یہ شدت پسند اغوا برائے تاوان، بھتہ خوری، سیکیورٹی فورسز پر فائر نگ اور آئی ای ڈی دھماکوں میں ملوث تھے۔
آپریشن کے دوران نائب صوبیدار امین اللہ اور سپاہی شیر زمین نے شہید جبکہ چار فوجی جوان زخمی ہوگئے۔
