یمن کے تین صوبوں میں سعودی عرب کی قیادت والی اتحادی فوج نے حال ہی میں تیس سے زیادہ ہوائی حملے کئے ہیں۔
حوثیوں نے سرکاری نیوز ویب سائٹ پر اتوار کو کہا ہے کہ مآرب صوبہ میں کم از کم بائیس حملے کئے گئے۔
راجدھانی صنعا کے دو علاقے سرواہ اور ماجار کو نشانہ بنایا گیا جبکہ صعدہ صوبہ میں نو ہوائی حملے کئے گئے ہیں۔
حوثیوں کے مطابق مغربی یمن کے ایک دیگر صوبہ حجہ میں چار ہوائی حملے کئے گئے۔ صعدہ اور حجہ صوبہ سعودی عرب کی سرحد پر واقع ہے۔
حوثیوں نے سنیچر کو عرب اتحادی فوج پر الزام لگایا تھا کہ انہوں نے گزشتہ 48 گھنٹوں کے دوران پانچ علاقوں میں 111 ہوائی حملے کئے ہیں۔
اقوام متحدہ کے عالمی وبا کورونا وائرس کے انتظامات کی کوششوں کے تحت امن کی اپیل کے جواب میں اتحادی فوج کے ذریعہ یکطرفہ جنگ بندی کے درمیان یہ ہوائی حملے ہوئے ہیں۔
