نیپال کے وزیر قانون شیوامایا تمبہنگپھے نے پارلیمنٹ میں نیپال کے نئے سیاسی نقشے کی ترمیم سے متعلق تجویز پیش کی ہے۔
اس نقشے میں کالا پانی، لیپولیکھ اور لمپیا دھرا کے علاقوں کو نیپال کی سرحد کے اندر دکھایا گیا ہے۔
نیپالی حکومت نے گذشتہ 22 مئی کو نقشے سے متعلق ایک بل پارلیمنٹ میں رجسٹر کر لیا تھا، تاکہ نیپالی آئین کے شیڈول 3 میں ترمیم کر کے نیپال کے سیاسی نقشے کو اپڈیٹ کیا جا سکے۔
تمبہنگپھے نے پارلیمنٹ اپنے خطاب کے دوران نیپالی آئین کے شیڈول 3 میں ترمیم کیے جانے کی وضاحت کی اور مجوزہ نقشے کو درست قرار دینے کے لیے شیڈول 3 میں کی جانے والی ترمیم کو ضروری قرار دیا۔
خیال رہے کہ گذشتہ کئی دنوں سے اتراکھنڈ میں واقع بھارت اور نیپال کے سرحدی خطے سے متعلق دونوں ممالک کے درمیان کشیدگی برقرار ہے۔ حد تو تب ہو گئی جب گذشتہ دنوں نیپالی وزیر اعظم کے پی اولی شرما نے بھارت کو جنگ کی دھمکی تک دے ڈالی ہے۔
