صدر رام ناتھ کووند نے جمعرات کو بنگلہ دیش کے یوم آزادی کے گولڈن جوبلی کے موقع پر ڈھاکہ کے نیشنل پریڈ گراؤنڈ میں مہمان خصوصی کے طور پر وکٹری ڈے پریڈ Victory Day Parade of Bangladesh میں شرکت کی۔
واضح رہے کہ بنگلہ دیش آج اپنا 50 واں یوم آزادی منا رہا ہے۔ بنگلہ دیش نے 1971 میں نو ماہ کی خونریز جنگ آزادی کے بعد پاکستان سے آزادی حاصل کی تھی۔
صدر رام ناتھ کووند اور خاتون اول سویتا کووند کا مقام پر پہنچنے پر صدر حامد اور وزیر اعظم حسینہ نے ان کا استقبال کیا۔
بنگلہ دیش کے صدر ایم عبدالحمید اور وزیر اعظم شیخ حسینہ کے ساتھ ساتھ قومی پریڈ گراؤنڈ میں وزراء، سفارت کاروں اور دیگر معززین کی طرف سے دیکھی جانے والی پریڈ میں بھارت کے 122 رکنی مضبوط سہ فریقی دستے نے بھی حصہ لیا۔
راشٹرپتی بھون نے ایک ٹویٹ میں کہا کہ ہندوستانی مسلح افواج کے 122 رکنی سہ فریقی دستے نے بھی یوم فتح کی تقریب میں حصہ لیا۔
کووند اس تقریب میں شامل ہونے والے واحد غیر ملکی سربراہ مملکت تھے۔ صدر حامد نے تقریب میں سلیوٹنگ ڈائس سے سلامی لی جبکہ ان کے بھارتی ہم منصب کووند نے وزیر اعظم شیخ حسینہ کے ساتھ پریڈ کا مشاہدہ کیا۔
بھارت کے علاوہ روس اور بھوٹان کے فوجی دستے بھی پریڈ میں شامل ہوئے۔ مارچ پاسٹ کے دوران ان کے اپنے ملٹری بینڈ تھے۔
یہ بھی پڑھیں:
President Kovind in Dhaka: صدررام ناتھ کووند نے بانی بنگلہ دیش کو خراج عقیدت پیش کیا
President Kovind Meets Bangladesh PM: رام ناتھ کووند کی وزیراعظم شیخ حسینہ سے ملاقات
بنگلہ دیش کی آزادی کے بعد یہ پہلا موقع تھا جب غیر ملکی فوجیوں نے یوم فتح کی تقریب میں شرکت کی۔ فوجی بینڈ سمیت 122 ارکان کے ساتھ ہندوستانی دستہ پریڈ میں شامل ہونے والا سب سے بڑا دستہ تھا۔
قابل ذکر ہے کہ بھارت کے صدر کووند 1971 میں بنگلہ دیش کی پاکستان سے آزادی کی گولڈن جوبلی تقریبات میں شرکت کے لیے بدھ کو ڈھاکہ President Kovind in Dhaka پہنچے تھے۔
جہاں ان کا پرتپاک استقبال کیا گیا۔صدر کووند اپنی اہلیہ سویتا کووند اور بیٹی سواتی کووند سمیت ایک سرکاری وفد کے ساتھ ڈھاکہ پہنچے ہیں۔
کووڈ-19 کی وبا پھیلنے کے بعد صدر کووند کا یہ پہلا غیر ملکی دورہ ہے۔ وہ یہاں بنگلہ دیش کے 50ویں یوم آزادی کی تقریبات میں بطور مہمان خصوصی بھارت کی نمائندگی کر رہے ہیں۔
صدر کووند 15 سے 17 دسمبر تک بنگلہ دیش کے تین روزہ Kovind visits Bangladesh دورے پر ہیں۔ وہ بدھ کو ڈھاکہ کے حضرت شاہ جلال بین الاقوامی ہوائی اڈے پر اترے جہاں بنگلہ دیشی صدر محمد عبدالحمید نے ان کا استقبال کیا۔
بدھ کے روز صدر نے بنگلہ دیش کی وزیر اعظم شیخ حسینہ اور وزیر خارجہ ڈاکٹر اے کے عبدالمومن سے ملاقات کی اور بنگلہ دیش کی آزادی کی 50 ویں سالگرہ اور ہندوستان-بنگلہ دیش کے 50 سال مکمل ہونے پر مجیب بورشو کے تاریخی موقع پر ملک کی حکومت اور عوام کو مبارکباد دی۔
