امریکی وزیر خارجہ مائک پومپیو نے بدھ کے روز سری لنکا کے صدر گوٹابایا راج پکشے سے ملاقات کی۔ اس دوران انھوں نے تجارت اور سرمایہ کاری پر مبنی معاشی شراکت داری پر زور دیا۔ وہیں انھوں نے کورونا وائرس (کووڈ۔19) کی ویکسین سمیت متعدد باہمی امور پر تبادلہ خیال کیا۔
بعد ازاں میڈیا رپورٹز کے مطابق پومپیو نے سری لنکا کے ہم منصب دنیش گنوردن سے بھی دوطرفہ بات چیت کی۔
اطلاعات کے مطابق پومپیو کے دورے کے دوران ہونے والی بات چیت میں دونوں ممالک کے درمیان کثیر الجہتی مشغولیت کے لیے متعدد شعبوں کا بھی احاطہ کیا گیا۔
پومپیو نے سری لنکا پہنچنے کے بعد ایک ٹویٹ میں کہا ہے کہ 'صدر گوٹابایا راج پکشے اور وزیر خارجہ دنیش گنوردن نے انڈو پیسیفک پارٹنر کی حیثیت سے اہم کردار کی تصدیق کی۔ ہم مل کر خطے میں سلامتی، استحکام اور خوشحالی سمیت اپنے مشترکہ مفادات کو آگے بڑھانے کے لئے پرعزم ہیں'۔
انھوں نے کہا ہےکہ 'پرتپاک استقبال کے لئے آپ کا شکریہ۔ میں کولمبو میں آکر بہت پرجوش ہوں۔سری لنکا کی حکومت، کاروباری اداروں اور تاجروں کے ساتھ اپنے تعلقات کو مستحکم کرنے کے لئے کئے گئے کام پر فخر محسوس کررہا ہوں اور میں اس دورے کے دوران ان کوششوں کو بڑھانے کا منتظر ہوں'۔
واضح رہے کہ پومپیو اس سے قبل نئی دہلی میں اپنے بھارتی ہم منصب وزیر خارجہ ایس جئے شنکر کے ساتھ امریکہ - بھارت 2 + 2 ڈائیلاگ کے تیسرے ایڈیشن کے لئے سیکرٹری دفاع مارک ٹی ایسپر کے ساتھ بھارت کے دورے پر تھے۔
امریکی وزیر خارجہ نے سری لنکا کا اپنے سری لنکا کے ہم منصب دنیش گنوردینا کی جانب سے بڑھایا دعوت نامے پر سری لنکا کا سفر کیا۔
سری لنگا کے وزارت خارجہ کے مطابق 'وہ یہاں دو طرفہ امور اور علاقائی تبادلہ خیال کے لئے حاضر ہوئے ہیں۔ ہم اپنی پوزیشن واضح کریں گے'۔
