آئی آئی ٹی گلوبل سمِٹ میں وزیراعظم کلیدی خطبہ پیش کریں گے آج

اطلاع کے مطابق اس سمٹ میں عالمی معیشت، ٹیکنالوجی، جدت، صحت، مابعد کورونا طریقۂ زندگی اور عالمی تعلیم جیسے امور پر توجہ دی جائے گی۔

بھارتی وزیر اعظم نریندر مودی جمعہ کو پین آئی آئی ٹی یو ایس اے (Pan IIT USA) کے زیر اہتمام آئی آئی ٹی 2020 گلوبل سمٹ میں کلیدی خطبہ پیش کریں گے۔

رواں برس پین آئی آئی ٹی یو ایس اے سربراہی اجلاس کا موضوع 'مستقبل اب ہے' ہے۔

اطلاع کے مطابق اس سمٹ میں عالمی معیشت، ٹیکنالوجی، جدت، صحت، نیو نارمل میں طریقۂ زندگی اور عالمی تعلیم جیسے امور پر توجہ دی جائے گی۔

بہ شکریہ ٹوئٹر

پین آئی آئی ٹی یو ایس اے ایک ایسی تنظیم ہے جو 20 برس قبل قائم کی گئی تھی۔ سنہ 2003 سے پین آئی آئی ٹی یو ایس اے کانفرنس کا انعقاد کرتا آرہا ہے۔

یہ ادارہ صنعت، تعلیم اور حکومت سمیت مختلف شعبوں سے تعلق رکھنے والوں کو مدعو کرتا ہے۔

بہ شکریہ ٹوئٹر

واضح رہے کہ پین آئی آئی ٹی یو ایس اے آئی آئی ٹی سابق طلبا کی ایک رضاکار ٹیم چلاتی ہے۔

• آئی آئی ٹی یو ایس اے کا ویژن:

آئی آئی ٹی یو ایس اے کے مطابق اس ادارہ کا ویژن یہ ہے کہ آئی آئی ٹی کو ماہرین تعلیم، تحقیقی صلاحیتوں اور اختراعات کے لحاظ سے دنیا کے سرکردہ اداروں میں تسلیم کیا جائے۔

یہ بھی کہا گیا ہے کہ اس کے سابق طلبا کو ان کے منتخب کردہ شعبوں میں قائد اور اختراع کرنے والوں کے طور پر تسلیم کیا جائے۔