اسرائیلی وزیر اعظم نتن یاہو نے بائیڈن کو مبارکباد پیش کی

امریکی صدارتی انتخابات کے نتیجوں میں جو بائیڈن کو کامیابی مل چکی ہے۔ دنیا بھر کے لوگوں کی نظریں اس پر لگی ہوئی تھیں۔ اب اس کے بعد دنیا کے متعدد ممالک کی پالیسی میں تبدیلی دیکھی جا سکے گی۔ دنیا کے متعدد ممالک کی جانب سے جوبائیڈن کو مبارکباد موصول ہو رہی ہیں۔

اسرائیل کے وزیر اعظم بنیامین نتن یاہو نے اتوار کو امریکہ کے نو منتخب صدر جو بائیڈن کو صدارتی انتخابات میں کامیابی کے لیے مبارکباد پیش کی۔

نتن یاہو نے اپنے ٹوئٹ پیغام میں لکھا کہ 'ہم نے تقریبا 40 برسوں سے بائیڈن کے ساتھ 'پرجوش تعلقات'کا اشتراک کیا اور مجھے معلوم ہے کہ آپ اسرائیل کے بہت اچھے دوست ہیں۔ میں امریکہ اور اسرائیل کے مابین خصوصی اتحاد کو مزید تقویت دینے کے لئے آپ دونوں (بائیڈن و کملا ہیرس) کے ساتھ مل کر کام کرنے کا منتظر ہوں'۔

نتن یاہو نے بائیڈن کو مبارکباد پیش کی

بین الاقوامی سطح پر صدر ڈونلڈ ٹرمپ کے قریبی اتحادیوں میں سے ایک نتن یاہو نے 12 گھنٹوں سے زیادہ انتظار کرنے کے بعد انہیں مبارکباد دی۔

ایک دوسرے ٹوئٹ میں نتن یاہو نے امریکہ اور اسرائیل کے تعلقات کو غیر معمولی بلندیوں پر لانے کے لیے ٹرمپ کا شکریہ ادا کیا۔

نتن یاہو نے ٹرمپ کو شکریہ کہا