ابوظہبی کے ولی عہد سے وزیراعظم مودی کی ٹیلی فون پر بات چیت

بھارتی وزارت خارجہ کے مطابق متحدہ عرب امارات کے ولی عہد شیخ محمد بن زائد النہیان اور وزیراعظم مودی نے ٹیلی فون پر گفتگو کے دوران علاقائی مسائل پر تبادلہ خیال کیا اور اس بات پر اتفاق کیا کہ دنیا میں دہشت گردی اور انتہا پسندی کے لیے کوئی جگہ نہیں ہے۔

وزیر اعظم مودی نے متحدہ عرب امارات (یو اے ای) کے ولی عہد شیخ محمد بن زائد النہیان سے ٹیلی فون پر بات چیت کی۔

دونوں رہنماؤں نے بھارت اور متحدہ عرب امارات جامع اسٹریٹجک شراکت داری کے تحت مختلف شعبوں میں دو طرفہ تعاون میں پیش رفت کا جائزہ لیا۔

اس کے علاوہ دونوں رہنماؤں نے علاقائی مسائل پر بھی تبادلہ تبادلہ خیال کیا۔

بشکریہ ٹویٹر

بھارتی وزارت خارجہ کے مطابق ولی عہد نے اس بات پر اتفاق کیا کہ دنیا میں دہشت گردی اور انتہا پسندی کے لیے کوئی جگہ نہیں ہے اور عالمی برادری کو ایسی قوتوں کے خلاف متحد ہو کر کھڑے ہونے کی ضروت ہے۔

وزیر اعظم نے کووڈ-19 وبائی امراض کے دوران بھارتی برادری کے لیے متحدہ عرب امارات کے تعاون کو سراہا۔ انہوں نے یکم اکتوبر 2021 سے دبئی میں منعقد ہونے والی ایکسپو 2020 کے لیے نیک خواہشات کا اظہار بھی کیا۔