پی آئی اے کے چیئرمین اور چیف ایگزیکٹیو آفیسر ایئر مارشل ارشد ملک نے بتایا کہ آپریٹنگ اخراجات کو کم کرنے کے اقدامات کے تحت دیگر اقدامات کے ساتھ ساتھ ایک ہزار ملازمین کی چھٹی کی گئی ہے۔
انہوں نے یہ اطلاع جمعہ کو وزیر اعظم کے خزانہ کے مشیر عبدالحفیظ شیخ کے ساتھ ملاقات کے دوران دی۔
وزارت خزانہ کی جانب سے جاری بیان میں کہا گیا ہے کہ پی آئی اے کےسربراہ ڈاکٹر عبدالحفیظ شیخ نے مختلف سرگرمیوں اور ایئر لائنز کے آپریٹنگ اخراجات کو کم کرنے کے لئے اٹھائے گئے اقدامات کی اطلاع دی۔
ملک نے فنانس مشیر کو بتایا کہ بہتر انتظام اور دستیاب رقم اور انسانی وسائل کا بہتر استعمال کرکے ایئر لائنز کی آمدنی کوبڑھا جا رہا ہے۔
اجلاس میں ڈاکٹر عبدالحفیظ شیخ نے پی آئی اے کو خود انحصاری، پائیدار بزنس پلان کی ہدایت کی اور کہا کہ حکومت چاہتی ہے کہ قومی ایئرلائن موثر طریقے سے اپنے وسائل کا استعمال کرے اور کارکردگی اور مالیاتی نظم و ضبط یقینی بناتے ہوئے آمدن بہتر کرے۔
مشیر خزانہ نے قومی ایئر لائن کی مشکلات پر قابو پانے اور بزنس معاملات اور فلائٹ آپریشنز میں استحکام حاصل کرنے کے لیے قابلِ عمل اور خود مختار کارپوریٹ پلان کی ضرورت پر زور دیا۔
انہوں نے کہا کہ حکومت ہر طرح سے پی آئی اے انتظامیہ کے ساتھ ہے اور اس سے توقع کرتی ہے کہ وہ قومی ایئر لائن کو مقامی اور غیر ملکی مسافروں کے لیے معاشی طور پر مستحکم، قابلِ عمل اور خود مختار ایئرلائن بنانے کے لیے تندہی سے کام کرے گی۔
اس موقع پر ارشد ملک نے رہنمائی اور حمایت پر ڈاکٹر عبدالحفیظ شیخ کا شکریہ ادا کیا اور کہا کہ پی آئی اے انتظامیہ لاگت کم کرنے کے لیے تقریباً ایک ہزار ’اضافی عملے کو نکال چکی ہے۔
پی آئی اے سربراہ نے قبل از حج پروازوں میں 90 فیصد کارکردگی کے ساتھ اسے کامیاب قرار دیا اور توقع ظاہر کی کہ یہ نتائج بعداز حج آپریشن میں حاصل ہوں گے۔
