یونیورسٹی آف ہیلتھ سائنسز (یوایچ ایس) کے ڈپٹی وائس چانسلر پروفیسر جاوید اکرم نے کہا کہ 'میں نے بھارتی ہائی کمیشن میں اقتصادی اور تجارتی سکریٹری آشیش شرما سے ملاقات کر کے انسانیت کی بنیاد پر 21 ڈاکٹرز کے ایک وفد کو کشمیر جانے کے لیے ویزا جاری کرنے کی درخواست کی ہے، تاکہ وادی میں ایک مہینے سے زیادہ وقت سے بندشوں کی وجہ سے طبی سہولیات سے محروم مسلم، ہندو اور سکھ طبقے کے لوگوں کا علاج کیا جائے'۔
واضح رہے کہ 30 اگست کو یونیورسٹی آٖف ہیلتھ سائنسز(یوایچ ایس) اور پاکستان سوسائٹی آٖف انٹرنل میڈیسن (پی ایس آئی ایم) نے کشمیر میں طبی سہولیات مہیا کرانے کے لیے ڈاکٹروں کے ایک وفد کو وہاں بھیجنے کے لیے ایک معاہدے پر دستخط کرنے کا اعلان کیا تھا۔
انہوں نے کہا کہ 'ہم طے کیا ہے کہ' ادویات کے ساتھ ڈاکٹروں کا ایک وفد وہاں جائےگا'۔
اکرم نے کہا کہ میٹنگ کے دوران شرما کے ساتھ میڈیکل کے شعبہ میں آپسی تعاون کے سلسلے میں کئی مسئلوں پر بات چیت کرنی تھی۔
