کیا پاکستان میں مذہبی اقلیت محفوظ نہیں ہے؟

مندر کی تعمیر سے متعلق فتوے اور مذہبی ہدایات جاری کی گئی ہیں کہ غیر مسلم افراد اسلامی پاکستان میں نئے مندر یا گرجا گھر کی تعمیر نہیں کر سکتے ہیں۔ البتہ پہلے سے آباد مندروں میں پوجا پاٹ کی کوئی روک تھام نہیں ہے۔

پاکستان میں مذہبی اقلیتوں کے لئے یہ ایک مشکل مہینہ رہا ہے۔ ایک عیسائی کو اس لئے گولی مار دی گئی کیونکہ وہ افغانستان کی سرحد سے دور شمال مغربی پشاور میں ایک مسلمان کے پڑوس میں کرایہ دار تھے۔

اس کے علاوہ ایک عیسائی پادری، ان کی بیوی اور 12 سالہ بیٹے کو مشرقی پنجاب میں ان کے ہمسایہ مسلم نے مبینہ طور پر مارا پیٹا اور انہیں اپنا گاؤں چھوڑنے کی بات کہی۔

حزب اختلاف کے ایک سیاست داں پر تمام مذاہب کو مساوی درجہ دینے کی بات پر توہین مذہب کا الزام عائد کیا گیا تھا اور ایک سینئر سیاسی شخصیت ، جس نے حکومت سے اتحاد کیا تھا اور شدت پسندوں کی حمایت حاصل تھی، انہوں نے دارالحکومت اسلام آباد میں ہندو مندر کی تعمیر روک دی تھی۔

مندر کی تعمیر سے متعلق فتوے اور مذہبی ہدایات جاری کی گئی ہیں کہ غیر مسلم افراد اسلامی پاکستان میں نئے مندر یا گرجا گھر کی تعمیر نہیں کر سکتے ہیں۔ البتہ پہلے سے آباد مندروں میں پوجا پاٹ کی کوئی روک تھام نہیں ہے۔

خیال رہے کہ تجزیہ کاروں اور کارکنوں نے موجودہ حالات کو سب سے برا دور قرار دیا ہے۔ حالانکہ وزیر اعظم عمران خان اسلامی عقائد اور دیگر اقوام کے درمیان اعتدال کی راہ نکالنے کی کوشش کر رہے ہیں۔