نیپال کی سرحد سے متصل بھارتی گاوں کے باشندوں کا کہنا ہے کہ نیپال کے کچھ ایف ایم ریڈیو کے ذریعہ بھارت مخالف تقریریں نشر کی جاتی ہیں۔
گاوں والوں کا کہنا ہے کہ بھارت مخالف تقریریں نیپالی رہنماوں کے ذریعہ کی جاتی ہیں، جنہیں متعدد ایف ایم ریڈیوز نشر کرتے ہیں۔
پتھورا گڑھ کے دنتو نامی گاوں کی ایک خاتون ساہو داتال نے بتایا کہ سرحد کے دونوں طرف کے باشندے نیپالی گانے سنتے ہیں۔ اس دوران انہیں بھارت مخالف تقریریں بھی سنائی دیتی ہیں۔
خیال رہے کہ اتراکھنڈ کے تین علاقوں لمپیا دھرا، لیپولیکھ اور کالا پانی سے متعلق بھارت اور نیپال کے مابین تنازع پیدا ہو گیا ہے۔ بھارت کے قبضے میں رہنے والے تینوں علاقوں کو نیپال نے اپنا علاقہ بتاتے ہوئے نیا نقشہ تیار کرکے قومی اسمبلی میں منظور بھی کروا لیا ہے۔
