اولی اور نیپال کمیونسٹ پارٹی کے رہنما پراچندا کی میٹنگ بغیر کسی نتیجے کے ختم

خیال رہے کہ اولی شرما کو 30 جون کو ہونے والی اسٹینڈنگ کمیٹی کے اجلاس میں سخت تنقید کا سامنا کرنا پڑا ہے، بیشتر ارکان نے ان سے استعفیٰ کا مطالبہ کیا ہے۔

اتوار کے روز نیپالی وزیر اعظم کے پی شرما اولی اور نیپال کمیونسٹ پارٹی کے سینئر رہنما پشپا کمل دہل پراچندا کے مابین ہونے والی میٹنگ بغیر کسی نتیجے کے ختم ہو گئی۔

نیپالی اخبار 'ہمالین ٹائمز' کے مطابق دونوں رہنماؤں نے پیر کی صبح مذاکرات کا اگلا دور منعقد کرنے کا فیصلہ کیا۔

شیتل نواس پر نیپالی صدر بدھیا دیوی بھنڈاری سے ملاقات کے بعد پراچندا نے اولی شرما کی سرکاری رہائش گاہ پر پہنچ کر ملاقات کی۔

خیال رہے کہ اولی شرما کو 30 جون کو ہونے والی اسٹینڈنگ کمیٹی کے اجلاس میں سخت تنقید کا سامنا کرنا پڑا ہے، بیشتر ارکان نے ان سے استعفیٰ کا مطالبہ کیا ہے۔

مختلف معاملات کو حل کرنے میں حکومت کی 'ناکامی' کے لئے پارٹی کے اندر اور باہر اولی شرما کی تنقید کی گئی ہے، خاص طور پر جب انہوں نے عوامی سطح پر یہ بیان دے دیا کہ بھارت ان کی حکومت کو گرانے کی کوشش کر رہا ہے۔