حافظ محمد سعید گرفتار

کالعدم جماعت الدعوی کے سربراہ اور ممبئی دہشت گردانہ حملے کے کلیدی ملزم حافظ محمد سعید کو محکمۂ انسداد دہشت گردی 'سی ٹی ڈی' نے لاہور سے گرفتار کیا ہے۔

حافظ محمد سعید گوجرا نوالہ جا رہے تھے کہ سی ٹی ڈی نے ان کو حراست میں لے لیا۔ حافظ سعید کی گرفتاری کی ان کے خاندانی ذرائع نے تصدیق کی ہے۔

رواں ماہ حافظ سعید نے اپنے خلاف درج مقدمات پر لاہور ہائی کورٹ سے رجوع کیا تھا۔

حافظ سعید سمیت 7 درخواست گزاروں نے عدالت میں درخواست دائر کی تھی جس میں وفاق، پنجاب حکومت اور ریجنل ہیڈ کوارٹرز سی ٹی ڈی کو فریق بنایا گیا تھا۔