ویسٹ بینک کی مساجد نے نمازیوں کا خیر مقدم کیا

اس موقع پر نہ صرف مسجد بلکہ عیسائی گرجا گھروں کو بھی کھولنے کی اجازت دی گئی۔ مساجد اور گرجا گھروں کا دوبارہ کھولا جانا اس بات کا ثبوت ہے کہ کورونا وائرس کے صدمے کے بعد شہر میں زندگی معمول پر آرہی ہے۔

منگل کے روز فلسطینی شہر ویسٹ بینک کی مساجد نے نمازیوں کا خیر مقدم کیا کیونکہ فلسطینی حکام نے کورونا وائرس کے سبب لگائے گئے لاک ڈاون کی بیشتر پابندیوں کو ختم کر دیا۔

مساجد کے دوبارہ کھولے جانے کا لوگوں نے انتہائی خوشی کے ساتھ خیر مقدم کیا اور حفاظتی اصولوں کی پابندی کرتے ہوئے نمازیوں نے کئی ہفتوں کے بعد مساجد کا رخ کیا۔

محمود عوادی نامی ایک شخص نے اپنے جذبات کا اظہار کرتے ہوئے کہا کہ 'مجھے بڑی راحت محسوس ہوئی ہے اور میں بہت خوش ہوں کیونکہ آج مسجد کے دوبارہ کھلنے کے ساتھ ہی عید کی خوشی مکمل ہو گئی۔ آج کا دن عید سے زیادہ خوشی کا دن ہے'۔

اس موقع پر نہ صرف مسجد بلکہ عیسائی گرجا گھروں کو بھی کھولنے کی اجازت دی گئی۔ ویسٹ بینک میں 5 مارچ کو لاک ڈاؤن کا نفاذ کیا تھا۔ فی الحال مساجد اور گرجا گھروں کا دوبارہ کھولا جانا اس بات کا ثبوت ہے کہ کورونا وائرس کے صدمے کے بعد شہر میں زندگی معمول پر آرہی ہے۔

فلسطینی اتھارٹی نے ویسٹ بینک میں 400 افراد کورونا وائرس سے متاثر ہوئے ہیں، جن میں سے دو افراد ہلاک ہوئے ہیں۔ متاثرین میں سے زیادہ تر ایسے افراد ہیں جو اسرائیل میں کام کرتے تھے۔