تسمانیہ کے ساحل سے 6 وہیلوں کو ریسکیو کیا گیا

اس طرح بڑے پیمانے پر کم گہرے پانی میں وہیل مچھلیوں کا آنا فکر کی بات ہے اور وہیلیں گہرے پانی سے کم پانی کی طرف کیوں آئیں، یہ ابھی تک واضح نہیں ہو سکا ہے۔

تسمانیہ کے مغربی ساحل پر اس ہفتے حکام نے بڑے پیمانے پر پھنسے ہوئے کم از کم 94 پائلٹ وہیلوں کو بچایا ہے۔

عہدیداروں نے بتایا کہ جمعہ کی صبح 6 وہیلوں کو بچایا گیا ہے، جبکہ دیگر 12 وہیلوں کو بچانے کا کام جاری ہے۔

تقریبا 350 وہیلوں کی موت ہو چکی ہے۔ ان کی لاشوں کو گہرے پانی میں منتقل کرنے کی کوششیں جاری ہیں۔

سائنس دانوں کا کہنا ہے کہ وہ زندہ بچ جانے والی وہیلوں پر گہری نظر رکھے ہوئے ہیں۔

خیال رہے کہ پیر اور بدھ کے روز اسٹرین شہر کی ساحل پر تقریبا 500 وہیل دیکھی گئی تھیں۔

میرین کنزرویشن پروگرام وائلڈ لائف میں ماہر حیاتیات کرس کارلین نے کہا کہ سیکڑوں ٹن والی وہیل کی لاشوں کو ہٹانے کا کام جمعہ کو شروع کیا گیا ہے اور اس میں کچھ دن لگنے کا امکان ہے۔