پاکستان کی ایک احتساب عدالت نے چودھری شوگر مل منی لانڈرنگ معاملے میں سابق پاکستانی وزیراعظم نواز شریف کی بیٹی مریم نواز کی عدالتی حراست کی میعاد 2 نومبر تک بڑھادی ہے۔
جیل میں قید مریم نواز کو افسران نے جمعے کے روز عدالت میں پیش کیا، جہاں ان کی عدالتی حراست کی میعاد 2 نومبر تک بڑھادی گئی۔
قومی احتساب بیورو یعنی 'نیب' اس معاملے میں رپورٹ نہیں کرا سکا، جس کے بعد عدالت نے مریم کی عدالتی حراست بڑھانے کا حکم دے دیا۔
کمرہ عدالت میں مریم نے میڈیا سے کہا کہ وہ اپنے والد نواز شریف کی صحت کے سلسلے میں فکرمند ہیں۔
انہوں نے فون پر اپنے والد سےبھی بات چیت کی۔عدالت میں پیشی کے دوران مریم نواز کے بیٹے جنید صفدر بھی موجود تھے۔
نیب عدالت نے اس معاملے میں شریک ملزم مریم کے چچازاد بھائی یوسف عباس کی عدالتی حراست میں بھی توسیع کردی ہے۔
