پاکستان میں تین ماہ کے لاک ڈاون کے بعد آخر کار کراچی میں ریستوراں کھل گئے ہیں اور بڑی تعداد میں لوگ کھانے کے لیے ریستوراں کا رخ کر رہے ہیں۔
ریستوراں کے مالک ظفر اقبال نے بتایا کہ انہیں ریستوراں کھلنے سے کافی خوشی ہے، کیوں کہ بند ہونے کے سبب ریستوراں کا کرایہ ادا کرنا مشکل ہو رہا تھا۔
حکومت نے ملک کے سبھی ریستوراں اور بیوٹی سیلونز کو 10 اگست سے کھولنے کی اجازت دے دی ہے۔
کووڈ 19 کے سبب ہونے والی اموات اور انفیکشن میں مسلسل گراوٹ کے درمیان پاکستان نے اتوار سے ملک کے ہوائی اڈوں کے لئے اور ہر طرح کی بین الاقوامی پروازیں دوبارہ شروع کر دی ہیں۔
جون میں پاکستان، کورونا وائرس سے ہونے والی اموات اور انفکشن کے معاملے میں عروج پر تھا۔
پاکستان میں پیر کو 24 گھنٹوں کے دوران کورونا سے محض 15 افراد ہلاک ہوئے ہیں۔ اس طرح اب تک یہاں مجموعی طور پر 6 ہزار 97 افراد کورونا سے ہلاک ہوئے ہیں۔
