پاکستان کے صوبے سندھ کے دارلحکومت کراچی میں کووڈ 19 کے معاملات میں کمی ہونے کے بعد اس ہفتے اسکولوں کو دوبارہ کھولنے کی اجازت دے دی گئی۔
طلبہ کے اسکول میں داخلے کے وقت ان کا درجہ حرارت جانچ کیا گیا اور انہیں سینیٹائزر فراہم کیا گیا۔ اس کے ساتھ ہی انہیں فیس ماسک استعمال کرنے کی بھی ہدایت دی گئی ہے۔ اس دوران طلبہ معاشرتی فاصلے کے ساتھ اپنے درجے میں بیٹھے۔
کے ایم اے بوائز اینڈ گرلز سیکنڈری اسکول کی ہیڈ ٹیچر افشاں گلزار نے کہا کہ اسکولوں کو دوبارہ کھولنے اور کلاسز شروع ہونے سے وہ خوش ہیں۔
انہوں نے کہا کہ "ہم دعا کرتے ہیں کہ دنیا کو دوبارہ اس وبا جیسی صورتحال کا سامنا نہ کرنا پڑے، ہم پہلے ہی کافی وقت کھو چکے ہیں۔"
پاکستان میں فی الحال تقریباً 1000 یومیہ کووڈ 19 کے نئے معاملے سامنے آرہے ہیں وہیں ملک میں کورونا سے اموات میں بھی کافی کمی آئی ہے۔
یہ بھی پڑھیں: Pak PM on Kashmir: 'مسئلہ کشمیر کے حل ہونے کے بعد جوہری ڈیٹیرینٹ کی ضرورت نہیں'
پاکستان کے اعلیٰ صحت کے عہدیداروں نے ملک میں کورونا وائرس کے ٹیکوں کی کمی کی خبروں کو مسترد کرتے ہوئے کہا ہے کہ اگلے 10 دن کے دوران مزید لاکھوں خوراکیں ملک میں پہنچ جائیں گی۔
