کورونا کی وجہ سے جاپان میں دوبارہ لگ سکتی ہے ایمرجنسی

جاپان کے دارالحکومت ٹوکیو میں پہلی مرتبہ کورونا وائرس کے 1300 سے زیادہ نئے معاملے سامنے آنے کے بعد حکومت کچھ صوبوں میں دوبارہ ایمرجنسی لگانے پر غور کر رہی ہے۔ اس سے قبل 2020 کے اوائل ٹوکیو اور چھ ریاستوں میں ایمرجنسی نافذ کی گئی تھی۔

جاپان کے وزیر اعظم وشی ہیڈے سوگا نے پیر کے روز اعلان کیا ہے کہ حکومت نئے سال کی تعطیل کے دوران کورونا وائرس کے کیسز میں مسلسل اضافے کے بعد دارالحکومت ٹوکیو اور تین ہمسایہ صوبوں میں ایمرجنسی کا اعلان کرنے پر غور کر رہی ہے۔

سوگا نے پیر کو یہاں پریس کانفرنس میں کہا کہ حکومت پہلے سے طے شدہ وقت یعنی مارچ سے قبل فرنٹ لائن ہیلتھ ورکرز کے لئے کورونا کی ٹیکہ کاری شروع کرنا چاہتی ہے۔

انہوں نے کہا کہ ٹوکیو کے گورنر یوریکو کوئیکی اور چیبا، کاناگاوا اور سائیتاما کے عہدیداروں نے حکومت سے ہفتہ کو ایمرجنسی نافذ کرنے کی اپیل کی ہے۔

جاپان کے دارالحکومت میں پہلی مرتبہ کورونا وائرس کے 1300 سے زیادہ نئے کیسز سامنے آئے ہیں۔ کیوڈو نیوز ایجنسی کے مطابق حکومت نے مقامی انتظامیہ سے یہ قدم اٹھانے کی اپیل کی ہے۔

جاپانی قانون کے مطابق کاروبارپر پابندی عائد کرنے کی اپیل مرکزی انتظامیہ کی بجائے مقامی انتظامیہ کی جانب سے کی جانی چاہئے۔

واضح رہے کہ اس سے پہلے ٹوکیو اور دیگر چھ صوبوں میں ایمرجنسی کا اعلان 2020 کے اوائل میں جاپان میں کورونا کی پہلی لہر کے دوران اپریل میں کیا گیا تھا اور پورے ملک میں اس میں ایک ماہ کی توسیع کی گئی تھی۔