شدت پسند تنظیم اسلامک اسٹیٹ (آئی ایس) نے اپنے رہنما ابوبکر البغدادی کے مارے جانے کے بعد کہا ہے کہ تنظیم دو ہفتوں کے اندر نئے رہنما کے نام کا اعلان کرے گا۔
اس کے علاوہ آئی ایس نے مغربی ممالک کے خلاف تازہ حملہ کرنے کی وارننگ بھی دی ہے۔ امریکہ کے قومی انسداد دہشت گردی مرکز کے قائم مقام ڈائیریکٹر رسل ٹریورس نے بدھ کو اس کی اطلاع دی۔
مسٹر ٹریورس نے کہا کہ ہم کچھ دنوں یا چند ہفتوں میں آئی ایس کا نیا رہنما دیکھیں گے، وہ مغربی مفادات کے خلاف حملوں کا اعلان بھی کرے گا۔
غور طلب ہے کہ امریکی صدر ڈونالڈ ٹرمپ نے اتوار کو اسلامک سٹیٹ کے سرغنہ ابو بکر البغدادی کے فوج کی خصوصی مہم میں مارے جانے کا اعلان کیا تھا۔
سنہ 2014 میں بغدادی نے خود کو اسلامی سٹیٹ کا خلیفہ قرار دیا تھا جس کے بعد سے ہی اس کے کئی بار مارے جانے کی خبریں آتی رہی ہیں۔
