ایرانی صدر ابراہیم رئیسی نے اپنے ترک ہم منصب رجب طیب اردوغان کے ساتھ فون پر بات چیت Iran Turkey President Conversation کے دوران کہا کہ "ایران کا ترکی کے ساتھ تعلقات Iran Turkey Relations اور تعاون کے بارے میں ایک طویل المدتی اور جامع نظریہ ہے اور ہم ترکی کے ساتھ اسٹریٹجک تعاون کے منصوبے کا خیر مقدم کرتے ہیں۔"
رئیسی نے خطے میں طویل مدتی سلامتی اور استحکام کے واحد راستے کے طور پر ممالک کی خود مختاری اور علاقائی سالمیت کا احترام کرنے کی ضرورت پر بھی زور دیا۔
اردوغان نے کہا کہ ترکی نے ایران کے ساتھ تعلقات کو مضبوط بنانے کے لیے متنوع اقتصادی تعاون کی فہرست تیار کی ہے اور جلد ہی تہران کا دورہ کرنے کی امید بھی ظاہر کی ہے۔
یہ بھی پڑھیں: Ebrahim Raisi in Moscow: ایران تمام ممالک کے ساتھ مذاکرات کا خواہاں
ترک صدر نے ایران کی جانب سے ترکی کو توانائی کی فراہمی جاری رکھنے پر زور دیتے ہوئے کہا کہ انقرہ ایران کو توانائی فراہم کرنے والا قابل اعتماد ملک سمجھتا ہے۔
اردوغان نے علاقائی سلامتی کو یقینی بنانے میں ایران کے ساتھ اپنے ملک کے تعاون کی اہمیت پر بھی زور دیا۔
