بنگلہ دیش کی وزیراعظم شیخ حسینہ نے اتوار کو امریکی صدر ڈونلڈ ٹرمپ اور ان کی اہلیہ میلانیا ٹرمپ کے کورونا وائرس سے جلد صحت یاب ہونے کی خواہش ظاہرکی۔
محترمہ حسینہ کے پریس سکریٹری احسان الکریم نے بتایا کہ وزیراعظم نے اس سلسلہ میں مسٹر ٹرمپ کو خط لکھ کر دونوں کے جلد صحت یاب ہونے کی خواہش ظاہر کی ہے۔
انہوں نے خط میں لکھا کہ 'مجھے یہ معلوم ہونے پر کافی دکھ ہوا کہ آپ بدقسمتی سے کورونا سے متاثر ہوگئے اور آپ کو اسپتال میں داخل ہونا پڑا'۔
محترمہ حسینہ نے مزید لکھا کہ 'میں عزت ماب (مسٹر ٹرمپ) اور میڈم میلانیا ٹرمپ کے جلد از جلد کورونا سے مکمل طورپر صحت یاب ہوجانے کی خواہش کرتی ہوں اور امید کرتی ہوں کہ آئندہ دنوں میں آپ ایک مضبوط اور نئے جذبہ کے ساتھ اپنے دفتر میں واپس آئیں تاکہ آپ کورونا وائرس اور اس سے متعلق چیلنجوں کے خلاف لڑائی میں اپنے ملک کی قیادت کرسکیں'۔
وزیراعظم نے یقین دلایا کہ بنگلہ دیش کے لوگ کورونا وائرس کے خطرے کو روکنے کے لئے امریکہ کے لوگو ں کے ساتھ کھڑے ہیں۔
