ڈرون فوٹیج میں دکھایا گیا ہے کہ عراق کا شمالی کردش علاقہ دوہوک شہر بالکل ویران نظر آ رہا ہے۔ شدید مجبوری کے سبب اکا دکا افراد سڑکوں پر دیکھے جا سکتے ہیں۔
کردستانی حکام نے کورونا کے پھیلاو کو روکنے کے لیے کرفیو کا اعلان کر دیا ہے۔ اس کرفیو کا مطلب یکم اپریل تک اپنے اپنے گھروں میں محصور رہنا ہے۔ عراق میں 266 تصدیق شدہ کیسز میں سے 23 اموات ہو چکی ہیں۔
فی الحال کورونا وائرس کے معاملات 3 لاکھ 92 ہزار سے زائد ہو چکے ہیں۔ ان میں سے 17 ہزار سے زائد افراد کی موت ہو چکی ہے۔ متاثرین میں سے 1 لاکھ 3 ہزار سے زائد افراد صحتیاب ہو چکے ہیں۔
واضح رہے کہ کورونا وائرس سے متاثرین کی بڑی تعداد محض ہلکے پھلکے علامات دیکھتی ہے۔ اور ایسے افراد تقریبا دو ہفتوں کے بعد ٹھیک ہو جاتے ہیں۔ یہ وائرس انتہائی متعدی ہے اس کی علامات ظاہر ہونے سے پہلے بھی لوگوں کو متاثر کر سکتا ہے۔
