متحدہ عرب امارات (یو اے ای) کے وزیراعظم شیخ محمد بن راشدالمختوم کے بھائی اور دبئی کے نائب حکمراں شیخ حمدان بن راشد 75 برس کی عمر میں انتقال کرگئے۔
شیخ حمدان بن راشد کے انتقال کی خبر شیخ محمد بن راشدالمختوم نے سوشل میڈیا کے ذریعے شیئر کی۔
شیخ محمد نے تصدیق کی کہ ان کے بھائی کا انتقال ہوگیا ہے۔ انہوں نے لکھا کہ 'میرا بھائی، میرا ساتھی اس دنیا میں نہیں رہا۔ انہوں نے مزید کہا کہ 'ہم سب کو بھی اسی کی جانب لوٹ کر جانا ہے۔'
شیخ محمد کے بھائی شیخ حمدان بن راشد کافی عرصے سے علیل تھے۔
شیخ حمدان بن راشد 25 دسمبر 1945 کو پیدا ہو ئے تھے اور وہ ملک کے پہلے وزیر خزانہ بھی رہ چکے ہیں۔
