بنگلہ دیش حکومت نے کورونا وائرس کے پھیلاؤ کو روکنے کے لیے سماجی فاصلے برقرار رکھنے اور ہوم کوارنٹین قوانین کو نظر انداز کرنے والوں کے خلاف سخت کارروائی کرنے کی بات کہی ہے۔ فوج اب بغیر کسی کام سے گھروں سے باہر آنے والوں کے خلاف کارروائی کرے گی۔ فوج نے اس سے پہلے ملک کی مختلف آفات کے دوران اہم کردار ادا کیا تھا۔
انٹر سروس پبلک ریلیشن کے ڈائریکٹر لیفٹننٹ کرنل عبداللہ ابن زائد نے کہا کہ آج سے ملک کے تمام حصوں میں لوگ سماجی فاصلے قائم رکھیں اور گھروں میں ہی رہیں گے۔
انہوں نے کہا کہ حکومت کی جانب سے جاری ہدایات کی خلاف ورزی کرنے والوں کے خلاف سخت کارروائی کی جائے گی۔ بنگلہ دیش فوج کی 525 ٹیموں کو مقامی انتظامیہ کی مختلف سرگرمیوں میں مدد کرنے کے لیے لگایا گیا ہے۔
فوج 25 مارچ سے شہری انتظامیہ کی مدد میں مصروف ہے۔ اس سے پہلے 23 مارچ سے حکومت نے مسلح افواج کے فوج، بحریہ اور فضائیہ کورونا وائرس کی صورت حال سے نمٹنے کے لیے تعینات کیا ہے۔
ملک میں گزشتہ 24 گھنٹوں کے دوران کورونا وائرس سے چھ لوگوں کی موت ہو گئی اور 94 نئے کیس سامنے آئے ہیں۔ اب تک ملک میں 64 اضلاع میں سے 21 میں کورونا وائرس سے 424 معاملات کی تصدیق ہوئی ہے۔
