اپنے فوجیوں کے مارے جانے کا چین نے اعتراف کر لیا

گذشتہ کئی مہینوں سے بھارت اور چین کے مابین کشیدگی برقرار ہے۔ دونوں ممالک کی فوجیں ایک دوسرے کے آمنے سامنے ہیں اور گذشتہ ماہ ہونے والی جھڑپ میں بھارتی جوانوں کے ساتھ جینی جوان بھی ہلاک ہوئے تھے۔

چین نے بالآخر یہ اعتراف کرلیا ہے کہ لداخ میں لائن آف ایکچول کنٹرول کے قریب وادیٔ گلوان میں 15 جون کو بھارتی فوج کے ساتھ پرتشدد جھڑپ میں اس کے فوجی بھی مارے گئے تھے۔

وادیٔ گلوان میں کتنے چینی فوجی مارے گئے تھے اس بارے میں سرکاری تفصیلات اب تک سامنے نہیں آسکی ہیں، لیکن گلوبل ٹائمز نے پہلی بار چینی فریق کے نقصان کا اعتراف کیا ہے۔ اس سے قبل وہ اپنے فوجیوں کی ہلاکت کی خبروں کو مسترد کرتا رہا تھا۔

چین کی کمیونسٹ پارٹی کا ترجمان اخبار 'گلوبل ٹائمز' کے ایڈیٹر ہو شی جن نے اعتراف کیا کہ وادیٔ گلوان میں ہونے والے تنازع میں چینی پیپلز لبریشن آرمی کے فوجی بھی مارے گئے ہیں۔

انہوں نے جمعرات کو ٹوئٹ کرتے ہوئے کہا کہ 'ہمارے فوجیوں کا بھی جانی نقصان ہوا'۔

قابل ذکر ہے کہ مشرقی لداخ میں ایل اے سی پر پرتشدد جھڑپوں کے سبب وادی گلوان میں حالات کشیدہ ہیں ۔

خیال رہے بھارت چین کے درمیان کشیدگی کو کم کرنے کیلئے بدھ کے روز تین گھنٹوں تک مذاکرات جاری رہے، جو نتیجہ خیز نہیں ثابت نہیں ہوئے