ایشیا کے جنوب مشرقی ملک لاوس کے دورے پر آئے چین کے اعلی سفارتکار نے یقین دہانی کراتے ہوئے کہا کہ ہوبی کے دارالحکومت اور کورونا وائرس کے مرکز ووہان میں حالات زیر کنٹرول ہیں۔
چینی وزیر خارجہ وانگ ای نے آسیان ممالک کے نمائندوں کے ساتھ میٹنگ کے بعد میڈیا کے سامنے اس بات کی جانکاری دی۔
انہوں نے کہا کہ وائرس کا خوف اصل وائرس سے زیادہ خطرناک ہے۔
ان کا مزید کہنا ہے کہ وائرس کے پھیلنے سے چین کی معیشت پر پڑنے والا اثر عارضی اور محدود ہے۔
وانگ نے کہا کہ اس وباء کے پھیلنے سے چین اور آسیان ممالک کے مابین اقتصادی تعاون کو فروغ ملا ہے۔لیکن اس وائرس کے سبب ہونے والے معاشی اثرات پر قابو پایا جاسکتا ہے ،کیونکہ چینی معیشت مضبوط اور انتہائی لچکدار ہے۔
خیال رہے کہ آسیان کے 10 ممالک میں سے 6 میں کورونا وائرس کی تصدیق ہو چکی ہے۔ اور چین میں ہلاک ہونے والوں کی تعداد مجموعی طور پر 2 ہزار 118 تک پہنچ گئی ہے، جبکہ 74 ہزار 576 افراد اس سے متاثر ہوئے ہیں۔
