چین نے برطانیہ کے نو شہریوں اور چار اداروں پر پابندی عائد کرنے کا اعلان کیا ہے۔برطانیہ کے چین پر پابندیاں عائد کرنے کے جواب میں چین نے یہ قدم اٹھایا ہے۔ جمعہ کے روز چین کی وزارت خارجہ نے یہ اطلاع دی۔
وزارت نے کہا’’برطانیہ نے سنکیانگ میں انسانی حقوق کی مبینہ خلاف ورزیوں کا حوالہ دیتے ہوئے چین کے شہریوں اور اس ادارے پر یکطرفہ پابندیاں عائد کردی ہیں۔ یہ اقدام بین الاقوامی قانون اور بنیادی بین الاقوامی تعلقات کے اصولوں کے خلاف جھوٹ اور مداخلت کرنے کے مترادف ہے، جس میں چین کی دخل اندازی پر وسیع پیمانے پر رکاوٹ کھڑی کی گئی ہے۔ داخلی معاملات میں مداخلت چین اور برطانیہ کے تعلقات کو متاثر کرتے ہیں۔
چین کی وزارت خارجہ نے سخت احتجاج و مذمت کرتے ہوئے چین میں برطانیہ کے سفیر کو طلب کیا ہے۔ ساتھ ہی چین نے برطانیہ کے نو شہریوں اور چار اداروں پر بدیانتی پر مبنی جھوٹ پھیلانے کی وجہ سے پابندیاں عائد کرنے کا فیصلہ کیا ہے‘‘۔
وزارت خارجہ نے کہا کہ چین کالعدم افراد اور اداروں کی جائداد ضبط کرنے کے ساتھ ساتھ ان کے ساتھ کاروبار کرنے پر چین کے شہریوں اور اداروں پر پابندیاں عائد کرے گا۔
