بحرین کے وزیر خارجہ نے ڈونلڈ ٹرمپ سے ملاقات کی

گذشتہ دنوں متحدہ عرب امارات کے بعد بحرین نے بھی امریکہ کی ثالثی میں اسرائیل کے ساتھ سفارتی تعلقات شروع کرنے کا اعلان کیا تھا۔

بحرین کے وزیر خارجہ عبد اللطیف بن راشد الزایانی اسرائیل اور متحدہ عرب امارات کے ساتھ تاریخی سفارتی معاہدے کا حصہ بننے کے لئے منگل کو امریکی وائٹ ہاؤس پہنچے۔

اسرائیل اور دو خلیجی عرب ممالک کے مابین معاہدوں پر مہر ثبت کرنے کے لئے منگل کے روز جنوبی لان میں صدر ٹرمپ 700 سے زائد مہمانوں کی میزبانی کریں گے۔

ٹرمپ اور ان کے اتحادیوں کو امید ہے کہ اس موقع سے وہ اپنی انتخابی مہم میں ٹرمپ کو امن ساز کی حیثیت سے پیش کر سکیں گے۔