کرونا وائرس کے پیش نظر ایئرویز نے اپنی پروازیں رد کیں

چین میں پھیلے کرونا وائرس کے پیش نظر متعدد ایئرلائنز اپنی پروازیں رد کر رہی ہیں، جس میں ایئر انڈیا، فن ایئر، کیتھی پیسیفک، جیٹ سٹار ایشیا شامل ہیں۔

سرکاری ہوائی خدمات فراہم کرنے والی سرکاری کمپنی ایئر انڈیا نے نوویل کرونا وائرس کے پیش نظر چین کے شنگھائی کی پرواز 31 جنوری سے رد کرنے کا اعلان کیا ہے۔

ایئر انڈیا کے ترجمان دھننجے کمار نے بدھ کے روز بتایا '31 جنوری سے پرواز کا نمبر اے آئی 348 ممبئی سے دہلی کے راستے شنگھائی پُڈونگ انٹرنیشنل ایئرپورٹ کو جاتی تھی۔ واپسی کی پرواز اے آئی 349 بھی رد رہے گی'۔

مسٹر کمار نے کہا 'کرونا وائرس کے خطرات کے پیش نظر یہ پرواز رد کی گئی ہے۔ ابھی یہ نہیں بتایا گیا ہے کہ پرواز کتنے دنوں کے لیے رد کی گئی ہے'۔

برٹش ایئرویز کی طرف سے کہا گیا ہے کہ کمپنی نے برطانیہ کی حکومت کی طرف سے دیے گئے امتنائی احکامات کے بعد چین کو جانے والی سبھی پروازیں رد کرنے کا فیصلہ لیا ہے۔

برٹش ایئر لائن کی پروازیں ہر روز ہیتھرو، شنگھائی اور بیجنگ سے مختلف ملکوں کے لیے اڑان بھرتی تھی۔

اس کے علاوہ ایئر سیول، لائن ایئر، کیتھی پیسیفک، جیٹسٹار اور فن ایئر کی طرف سے بھی پروازیں رد کی گئی ہیں، وہیں چین کی طرف سے کورونا وائرس سے نمٹنے کے لیے ووہان اور 16 دوسرے شہروں میں ہوائی ٹریفک گھٹا دی ہے۔ کورونا وائرس سے اب تک چین اور باقی ممالک میں 6000 سے زیادہ افراد متاثر ہوئے ہیں۔

ساوتھ ایشیا کی دوسری سب سے بڑی ایئر لائن ایشیانہ ایئر لائن کے ساتھ ساتھ کوریئن ایئر، تیوان کی ایوا ایئر نے بھی اپنی پروازیں رد کر دی ہیں، پروازوں کے رد ہونے کی وجہ سے عالمی دنیا مین سبھی ایئر لائینز کو بھاری نقصان پہنچا ہے۔