سری لنکا کے چرچ اور ہوٹل میں ہوئے سلسلہ وار بم دھماکہ سے پوری دنیا میں غم کا ماحول ہے۔اس حملے میں 250 سے زائد افراد ہلاک ہوئے ہیں۔ بیشتر لوگوں نے ان حملوں میں بہت کچھ کھویا ہے لیکن ایک ایسی بدنصیب ہے جس نے اس حملے میں سب کچھ کھو دیا ہے۔
اتوار کا دن 43 برس انوشہ کی زندگی کا سب سے سیاہ دن ثابت ہوا۔ اس حملے میں انہوں نے اپنے شوہر، بیٹے، بیٹی، نند اور بھتیجے کو ہمیشہ کے لیے کھو دیا۔
حملے کے وقت انوشہ بھی اپنے خاندان کے ساتھ موجود تھیں۔ وہ بھی اس حملے میں شدید زخمی ہو گئی تھیں۔
انوشہ کماری نے بتایا کہ آپ کو بطاہر یقین نہ ہو لیکن میرا خاندان بہت ہی خوش حال تھا۔ 24 برس کی شادی میں کبھی بھی شوہر کے ساتھ میری بحث نہیں ہوئی لیکن آج میں نے سب کچھ کھو دیا۔
