جاپان کے دارالحکومت ٹوکیو کے شمال میں واقع میاگی پریفیکچر میں بدھ کے روز زلزلے کے تیزجھٹکے محسوس کئے گئے Earthquake in Japan جس کی شدت 7.3 ناپی گئی ہے۔ جاپان کے محکمہ موسمیات (جے ایم اے) نے یہ اطلاع دی۔
ملک کے شمال مشرقی اور مشرقی علاقوں بالخصوص میاگی اور فوکوشیما کے علاقوں میں زلزلے کے شدید جھٹکے محسوس کیے گئے جہاں ریختر پیمانے پر زلزلے کی شدت چھ پوائنٹس سے زیادہ ریکارڈ کی گئی۔
زلزلے کا مرکز فوکوشیما علاقہ کے ساحل پر شمالی عرض البلد 37.7 اور مشرقی طول بلد 141.7 کے درمیان سطح سے 60 کلومیٹر کی گہرائی میں واقع تھا۔ زلزلہ مقامی وقت کے مطابق رات 11 بج کر 36 منٹ پر آیا۔ جاپان میں آنے والے اس زلزلے کے باعث فوکوشیما کے شہر سوما میں بجلی منقطع ہوگئی۔
دارالحکومت ٹوکیو میں بھی زلزلے کے شدید جھٹکے محسوس کیے گئے اور زلزلے کے بعد ٹوکیو کے کچھ حصوں میں بجلی جانے کی اطلاع ملی ہے۔
جاپان کے وزیراعظم کے دفتر نے اس زبردست زلزلے کے پیش نظر ہنگامی مرکز قائم کیا ہے۔
یو این آئی
