انڈونیشیا میں کورونا کے3622 نئے معاملے،134 اموات

انڈونیشیا میں گزشتہ 24 گھنٹوں کے دوران کورونا انفیکشن کے 3622 نئے معاملے سامنے آئے جبکہ 134 افراد اس بیماری سے جاں بحق ہوئےہیں۔

وزارت صحت نے جمعرات کو یہ اطلاع دی۔

وزارت کے مطابق نئے معاملوں کے ساتھ متاثرین کی تعداد1,84,268اور اموات کی 7750 ہوگئی۔اس مدت کے دوران 2084 مریض صحت یاب ہوئے ہیں جس کے ساتھ اب تک 132055 افراد کورونا سے نجات پاچکے ہیں۔

کورونا نے ملک کے تمام 34 صوبوں کو اپنی زد میں لے رکھا ہے۔گزشتہ 24 گھنٹوں میں جکارتہ میں 1359،ایسٹ جاوا میں 377،سینٹرل جاوا میں 242،ویسٹ جاوا میں 238 اور بالی میں 174 افراد میں کورونا کی تصدیق ہوئی ہے۔