جاپان کے شیزواؤکا صوبہ میں شدید بارشوں کے نتیجے میں آنے والے سیلاب اور لینڈ سلائیڈنگ کے خطرے کے پیش نظر 28 ہزار 500 سے زیادہ افراد کو دوسری جگہ منتقل کرنے کا حکم دیا گیا ہے۔ جمعرات کو این ایچ کے براڈکاسٹر نے یہ اطلاع دی۔
خبروں کے مطابق منامیزو شہر سے لگ بھگ 7 ہزار 900 افراد اور شموڈا شہر سے تقریباً 20 ہزار 700 افراد کو ان کے علاقوں سے نکال کر محفوظ مقامات پر منتقل کیا جائے گا۔ دونوں شہر جزیرہ نما ایزو پر واقع ہیں۔
یہ بھی پڑھیں: Baghdad Blast: بغداد میں بم دھماکہ، متعدد افراد زخمی
واضح رہے کہ جاپان کے شیزوکا، واکایاما اور کاگوشیما صوبوں کے شہروں میں شدید بارش ہورہی ہے اور اندیشہ ہے کہ جمعرات کو یہاں کی حالت مزید ابتر ہونے کا خدشہ ظاہر کیا گیا ہے۔ مسلسل اور شدید بارش کی وجہ سے سیلاب اور لینڈ سلائیڈنگ کا خطرہ بڑھ گیا ہے۔
(یو این آئی)
