انڈونیشیا میں سڑک حادثہ، 22 افراد ہلاک

انڈونیشیا میں ایک سڑک حادثہ پیش آیا ہے جس میں 22 لوگ ہلاک ہوگئے ہیں۔ ہلاک شدگان میں طلبا اور اساتذہ بھی شامل ہیں۔

انڈونیشیا میں طلبا اور اساتذہ پر مشتمل ایک بس 20 میٹر گہری کھائی میں گر گئی، جس میں کم از کم 22 افراد ہلاک ہوگئے۔

یہ حادثہ انڈونیشیا کے مغربی جاوا صوبے میں پیش آیا۔ ’جکارتہ گلوب‘ اخبار نے اپنی رپورٹ میں یہ اطلاع دی۔

اخبار کے مطابق یہ حادثہ سبانگ شہر میں پیش آیا۔ حادثے کے وقت بس میں 58 افراد سوار تھے اور تیسیمالیہ شہر میں زیارت کے لیے جارہے تھے۔

مقامی ایمرجنسی سروسز کے مطابق، ہلاک ہونے والوں کی تعداد میں اضافہ ہوسکتا ہے۔ ابھی تک حادثے کی وجوہات کا پتہ نہیں چل سکا ہے۔

یو این آئی