افغانستان کے جوزجان صوبے میں فوج کی جانب سے طالبان کے ٹھکانوں پر کئے گئے فضائی حملے میں 21 شدت پسند مارے گئے ہیں۔
شمالی علاقے میں فوج کے ترجمان محمد حنیف رضائی نے سنیچر کو یہ اطلاع دی۔ ترجمان نے بتایا کہ جمعہ کو مرغاب، ہاسنتابین خودکش اور آس پاس کے گاؤں میں طالبان کے ٹھکانوں کو نشانہ بنایا گیا اور اس کے ساتھ ہی جوزجان صوبے کے پڑوسی صوبے ساری پل کو جوڑنے والی سڑک پر حملہ کیا گیا، جس میں 21 طالبانی مارے گئے اور 10 دیگر زخمی ہوگئے۔
واضح ہو کہ افغانستان سے امریکی اور نیٹو افواج کے انخلا کے ساتھ ہی ملک میں تشدد کے واقعات میں اضافہ ہوا ہے اور طالبان نے ملک کے 85 فیصد سے زیادہ علاقے پر قبضے کرنے کا دعویٰ کیا ہے۔ اس کے علاوہ طالبان نے ملک کے مختلف صوبوں پر بھی قبضہ کرلیا ہے، اس دوران افغان فورسز اور طالبان کے درمیان تصادم جاری ہے اور طالبان نے انتباہ دیا ہے کہ جب تک صدر اشرف غنی کو ہٹایا نہیں جاتا تب تک وہ جنگ جاری رکھیں گے۔
یہ بھی پڑھیں: افغان سرحدی چوکی پر طالبان کے قبضے کے بعد افغان فورسز پاکستان میں داخل
اس دوران افغان فورسز بھی مسلسل کاروائی کر رہی ہے اور طالبان عسکریت پسندوں کو ہلاک کرنے کا دعویٰ کر رہی ہے۔
