وزارت صحت نے اتوار کو بتایا کہ ملک میں کورونا کے زیادہ تر معاملوں میں بیرون ملک سے آنے والے افراد شامل ہیں۔ نئے معاملات میں سات خواتین اور تین مرد شامل ہیں اور یہ سبھی مغربی ایشیائی ممالک سے واپس آئے ہیں۔ یہ تمام حکومت کی جانب سے بھیجے گئے خصوصی طیاروں سے واپس آئے ہیں۔
نئے کیسز میں سے دو کو ضلع پارو میں سرکاری کورنٹائن سینٹر میں رکھا گیا ہے جب کہ آٹھ دیگر کو تھمپو شہر کے کورنٹائن سینٹر میں رکھا گیا ہے۔ تمام مریضوں کو آج شام مختلف وارڈز میں داخل کیا جائے گا۔
وزارت نے اس بات کی تصدیق کی کہ مئی میں ملک میں سب سے زیادہ کورونا وائرس کے معاملے سامنے آئے ہیں۔
