اوٹاوا میں ٹرک ڈرائیوروں کا احتجاج زوروں پر ہے اور سرحد کے پارایک چوتھائی یو ایس-کناڈا تجارت اس سے متاثر ہوئی ہے۔ یہاں تک کہ وزیر اعظم جسٹن ٹروڈو اور ان کے خاندان کو مجبوراً محفوظ مقام پر جانا پڑا ہے۔
یہاں تک کہ کار ساز اور مقامی حکام بھی ایمبیسیڈر برج کی ناکہ بندی کو ختم کرنے کے لئے حکم امتناعی کا مطالبہ کر رہے ہیں۔
دریں اثناء اونٹاریو کی ایک عدالت نے مظاہرین کے آن لائن چندہ لینے پر روک لگا دی۔
یہ بھی پڑھیں:
Protests in Canada on Anti-COVID Rules : احتجاج کے سبب کینیڈا کے دارالحکومت میں ایمرجنسی کا اعلان
اپنے احتجاجی مظاہرے کو جاری رکھنے کے لیے ٹرک ڈرائیوروں نے ’گو فن می‘ کو بند کرنے کے بعد آن لائن پلیٹ فارم ’گیو-سینٹ-گو‘ کے ذریعہ 80 لاکھ ڈالر سے زیادہ چندہ جمع کرنے میں کامیابی حاصل کی۔
قابل ذکر ہے کہ کورونا بحران کے پیش نظر کینیڈین حکومت نے امریکا-کینیڈا بارڈر پر تمام ٹرک ڈرائیوروں کے لیے کورونا ویکسینیشن کو لازمی قرار دے دیا ہے اور کورونا ویکسینیشن کے بعد ہی ٹرک ڈرائیور کینیڈا میں داخل ہوں گے۔ اس فیصلے کے بعد ٹرک ڈرائیوروں میں کافی ناراضگی ہے اور وہ اس کے خلاف زبردست مظاہرہ کررہے ہیں۔
یو این آئی
