امریکہ کے صدر ڈونلڈ ٹرمپ کو امریکی عدالت کی جانب سے جھٹکا لگا ہے۔ عدالت نے ٹرمپ کی اس عرضی کو خارج کر دیا، جس میں انہوں نے انتخابات میں دھاندھلی کی بات کہ کر ووٹ شماری رکوانے کی بات کہی تھی۔
ٹرمپ نے مشی گن اور جارجیا میں عدالت کو کہا تھا کہ وہ 'ابسنٹی بیلٹس' کی گنتی کو روک دے، لیکن عدالت نے ٹرمپ کے ذریعہ داخل کی گئ عرضی کو مسترد کر دیا۔
مشی گن کورٹ آف کلیمس کی جج سنتھیا اسٹیفنس نے یہ کہ کر عرضی کو خارج کر دیا کہ مشی گن کے سکریٹری آف اسٹیٹ مقامی ووٹ شماری کے عمل میں شامل نہیں ہیں۔
اسی طرح جارجیا میں بھی جج جیمس ایف باس نے ووٹ شماری روکنے کی عرضی کو خارج کر دیا۔
وہیں ڈونلڈ ٹرمپ نے وسکونسن میں دوبارہ انتخابات کرانے کا مطالبہ کیا ہے۔
