امریکہ: آریگون اور نیو میکسیکو میں دوبارہ لاک ڈاؤن

گورنر نیومیکسیکو کا کہنا ہے کہ 'ہم زندگی اور موت کی صورتحال سے دوچار ہیں، اگر اب بھی درست عمل نہیں کیا تو جان نہیں بچا پائیں گے'۔

عالمی ادارہ صحت یعنی ڈبلیو ایچ او کی جانب سے بار بار کہا جارہا ہے کہ مکمل احتیاط برتیں، ابھی کورونا وائرس (کووڈ۔19) کا قہر ختم نہیں ہوا ہے۔ ایسے میں اس وبا کی نئی لہر پھر سے آسکتی ہے۔

اسی صمن میں امریکی ریاست آریگون اور نیو میکسیکو کے گورنرز نے کورونا وائرس (کووڈ۔19) کے کیسز میں اضافے کو دیکھتے ہوئے ایک مرتبہ پھر لاک ڈاؤن کا اعلان کردیا ہے۔

بہ شکریہ ٹوئٹر

گورنر نیو میکسیکو نے عوام کو دو ہفتوں کے لیے گھروں میں رہنے کا حکم جاری کیا۔

اس ضمن میں گورنر نیومیکسیکو کا کہنا ہے کہ 'ہم زندگی اور موت کی صورتحال سے دوچارہیں، اگر اب بھی درست عمل نہیں کیا تو جان نہیں بچا پائیں گے'۔

دوسری جانب آریگون کے گورنر نے بھی دو ہفتوں کے لاک ڈاؤن کا اعلان کر دیا ہے، آریگون میں تمام دفاتر عوام کے لیے بند رہیں گے۔

بہ شکریہ ٹوئٹر

اطلاع کے مطابق آریگون میں اسٹورز، جم، میوزیم، پولز اور تھیٹرز بند ہوں گے جبکہ ریستوران اور بارز کو صرف ٹیک اووے کی اجازت ہوگی اور چھ سے زیادہ افراد پر مشتمل اجتماع کی اجازت نہیں دی جائے گی۔

بہ شکریہ ٹوئٹر

گورنر آریگون کا کہنا ہے کہ 'بدقسمتی سے لاک ڈاؤن کے علاوہ دوسرا آپشن باقی نہیں تھا'۔

بین الاقوامی میڈیا کے مطابق کیلی فورنیا، آریگون اور واشنگٹن نے اپنے شہریوں کو غیرضروری سفر نہ کرنے کی ہدایت دی ہے۔