واشنگٹن امریکہ نے عراقی وزیر اعظم مصطفیٰ الکاظمی کی رہائش گاہ پر حملے کی مذمت کی ہے۔
امریکی محکمہ خارجہ کے ترجمان نیڈ پرائس نے یہ اطلاع دی۔
پرائس نے ایک بیان میں کہا: ’’عراقی وزیر اعظم الکاظمی کی رہائش گاہ پر ڈرون سے حملہ کیا گیا۔ اس حملے میں وزیر اعظم کو کوئی نقصان نہیں پہنچا۔ ہم اس حملے کی شدید مذمت کرتے ہیں۔‘‘
انہوں نے کہا کہ امریکہ نے عراقی سیکورٹی فورسز کے رابطے میں رہ کر حملے کی تحقیقات میں مدد کرنے کی پیشکش کی ہے۔
مزید پڑھیں:
خیال رہے اتوار کو علی الصبح عراقی وزیر اعظم کی رہائش گاہ کو نشانہ بناتے ہوئے کاتیوشا راکٹ داغا گیا۔ اس حملے میں مسٹر الکاظمی کو معمولی چوٹیں آئیں جس کے بعد انہیں فوری طور پر اسپتال لے جایا گیا۔
اس ڈرون حملے میں ان کے کئی سیکیورٹی اہلکار زخمی بھی ہوئے۔
یو این آئی.
