پینسلوینیا پر عدالت کے فیصلے کے خلاف اپیل کرے گی ٹرمپ ٹیم

امریکہ میں صدارتی انتخابات کے نتائج کو تقریبا 20 روز ہونے والے ہیں۔ اس میں جو بائیڈن کو کامیابی جبکہ صدر ڈونلڈ ٹرمپ کو شکست ہوئی ہے، لیکن وہ اب بھی اپنی شکست کو تسلیم کرنے کی موڈ میں نہیں نظر آ رہے ہیں۔

امریکی صدر ڈونلڈ ٹرمپ کی سینئر قانونی مشیر جینا ایلس اور ایٹارنی روڈی گیولیانی نے کہا ہے کہ ٹرمپ کی ٹیم پنسلوینیا عدالت کے فیصلے کے خلاف جلد اپیل کرے گی۔

ہفتے کو امریکی ضلع عدالت کے جج میتھیو بران نے پینسلوینیا میں میل ان بیلٹ پیپر کو غیر قانونی قرار دینے کے ٹرمپ کیمپین کی عرضی خارج کردی تھی۔ جسٹس بران نے کہا کہ ٹرمپ کیمپین کی عرضی بغیر قانونی دلیلوں اور ثبوت کے بغیر ہے۔

ٹرمپ ٹیم کے مطابق پینسلوینیا میں 682777 ووٹ غیر قانونی ہیں۔ عدالت کے حکم پر ٹرمپ ٹیم نے کہا،’’ہم مایوس ہیں کہ ہمیں کم ازکم سماعت میں اپنے ثبوت پیش کرنے کا موقع بھی نہیں ملا۔ بدقسمتی سے سینسرشپ جاری ہے۔