امریکہ کے سابق صدر ڈونلڈ ٹرمپ نے 2022 کے وسط مدتی انتخابات میں 'بنیاد پرست ڈیموکریٹس' کو شکست دینے کی اپیل کرتے ہوئے کہا ہے کہ 'ریپبلکن پارٹی دوبارہ اقتدار میں واپسی کرے گی۔' سابق صدر ڈونلڈ ٹرمپ نے ہفتے کے روز اپنے حامیوں کی ایک بہت بڑی بھیڑ سے خطاب کرتے ہوئے یہ دعویٰ کیا۔
انہوں نے نومبر 2020 میں صدارتی انتخابات میں کامیابی حاصل کرنے والے جو بائیڈن کی انتظامیہ کے مدت کارکو تباہی قرار دیا اور الزام لگایا کہ بائیڈن نے اپنے آئینی حلف کی خلاف ورزی ہی نہیں کی بلکہ امریکہ کی سلامتی کو بھی خطرے میں ڈال دیا۔ انہوں نے زور دیا کہ 'لالیس بائیڈن ایجنڈا' کو ختم ہونے کی ضرورت ہے اور صرف ریپبلکن ہی ایسا کرسکتی ہے۔
ملک کی پالیسی کے معاملے میں ٹرمپ نے بائیڈن پر ایران نیوکلائی معاہدے اور پیرس موسمیاتی تبدیلی کے معاہدے میں پھر سے شامل ہونے اور کیسٹون ایکس ایل پائپ لائن کو بند کرنے اور روس کو نورڈ اسٹریم ٹو پائپ لائن مکمل کرنے کی اجازت دینے کا الزام عائد کیا۔
یہ بھی پڑھیں: کورونا مریضوں سے متعلق ٹرمپ کے خوفناک منصوبے کا انکشاف
نومبر 2022 میں امریکہ میں وسط مدتی انتخابات ہوں گے، جب امریکی ایوان نمائندگان کی تمام 435 نشستوں اور امریکی سینیٹ کی 100 میں سے 34 نشستوں پر الیکشن لڑا جائے گا۔
